Policia e Lushnjes ka vënë në pranga ditën e djeshme dy persona pasi janë kapur duke transportuar lënë plasëse, e llojit tritol.
Siç bën me dije policia, të arrestuarit janë Sokol Isufaj, 35 vjeç dhe Ahmet Myftari, 23 vjeç, të dy banues në Elbasan.
Pasi pas një hetimi 1 mujor, arrestimi i tyre u bë në vendin e quajtur “Rrethrrotullimi i Çermës” Lushnje, ku ju gjet dhe bllokua në cilësinë e provës materiale 1 kallëp eksploziv, i dyshuar tritol.
Të dy ata, në bashkëpunim me njëri-tjetrin u siguronin personave të ndryshëm sipas kërkesave sasi eksplozivi, kundrejt shumave deri në 500 euro.
Për ngjarjen në fjalë, policia thotë se materialet i kanë kaluar Prokurorisë pranë Gjykatës së Shkallës së Parë Lushnje për veprën penale “Trafikimi i lëndëve plasëse, djegëse, helmuese e radioaktive”./b.d
