Një çift bashkëshortësh shqiptarë janë arrestuar nga Policia italiane pasi akuzohen për trafik lëndësh narkotike. Teksa po patrullonin në rrethin Cesare të Komunës Savignano, efektivët italianë vunë re 40-vjeçarin, i cili po qëndronte pranë një institucioni publik në mënyrë të dyshimtë. Në momentin që Policia i është afruar për ta pyetur, shqiptari është shfaqur nervoz, duke shtuar dyshimet e efektivëve.
Kjo i nxiti ata të ushtronin një kontroll ndaj 40-vjeçarit dhe brenda automjetit të tij, ku edhe gjetën kokainë. Pasi zbuluan drogën, Policia ushtroi kontrolle edhe në banesën e tij, sidomos pasi bashkëshortja e telefonte shumë shpesh. Në momentin që efektiëvet mbërritën pranë shtëpisë, 37-vjeçarja tentoi të largohet duke mbajtur me vete një çantë, brenda të cilës gjithashtu kishte lëndë narkotike. Kështu dhe ajo përfundoi në pranga njësoj si bashkëshorti i saj.
Pasi u shoqëruan për në Komisariat, për çiftin e bashkëshortëve Gjykata e Forlìt, vendosi për lirimin e tyre deri në shpalljen e vendimit. Ndërkoëh vazhdojnë hetimet për të gjetur furnizuesit me kokainë të çiftit shqiptar.
