Për analistin Lorenc Vangjeli dorëheqja e Lulzim Bashës ishte diçka e paralajmëruar.
Vangjeli tha ne emisionin “Log” ne abcnes.al se Basha iku pasi nuk mund të qëndronte më, pasi prej kohësh të gjithë shinin hijen por jo kryetarin.
“Iku se nuk mund të rrinte, shikonim hijen por jo kryetarin”, tha Vangjeli
Ai theksoi se po ta kishte përballë Lulzim Bashën do t’i thoshte se ishte një fjalim i shkruajtur me përtesë.
Vangjeli tha se minimalisht në fjalimin e dorëheqjes së Lulzim Bashës duhet të kishte një analizë të plotë të gjithçkaje.
“Po mirë mor burrë përton të thuash dy llafe më tepërt. Do të donte por nuk mundet, nuk është çështje dëshire por mundësie. Nano u rikthye pas 1 vitit se mendonte politikisht, zoti Basha mezi priste të mbaronte leximin.
Sot duhet të ishte akt politik, ai sot duhet të tregonte të gjitha aktet që e çuan në një veprim të tillë, minimalisht duhet ta niste nga 2013-ta, mnimalisht duhet të tregonte të vërtetat e tij përballë Sali Berishës.
Ai ishte një fjalim jo vetëm dembel por dhe apolitik. Ishte si ato dyert apolitike që mbyllen me të përplasur, nuk futi çelësin që të kishte një çelës në xhep për tu rikthyer nesër’, tha Vangjeli./m.j
/m.j
