“Pushkët kërcasin, bombat po pëlcasin/ topa, mitraloza rrahin pa pushim/lufta gjëmon me tërbim”. Këto janë vargjet e këngës që këndojnë ish-partizanët e luajtur nga Thimi Filipi e Sandër Prosi në filmin “Përballimi”. Por, a e keni menduar ndonjëherë se si do të ndiheshit po ta gjenit veten vërtet nën zjarrin e topave? Ushtria finlandeze e ofron sadopak një përvojë të tillë, videon ku shfaqen trupat artiliere teksa godasin me top në fshatin e largët Rovajärvi, në zonën e Laponisë.
Kamerat e vendosura nëpër bunkerë kapin momentet teksa predhat godasin objektivët dhe i kthejnë ato në pluhur e hi.
Gurët e dhéu fluturojnë në ajër teksa topat rrahin tokën në një seri shpërthimesh të zhurmshme.
d.i.
