Një shpërthim me lëndë plasëse ka ndodhur në orët e vona të ditës së djeshme në Shijak.
Policia bën me dije se rreth orës 22:55, në Shijak, në afërsi të derës së magazinave të marra me qira nga Arlin Lala, 33 vjeç banues në Shijak, ka shpërthyer një sasi e vogël lënde plasëse. Për pasojë, janë shkaktuar dëme të vogla materiale tek dera e dhomës frigoriferike.
Mësohet se në këtë magazinë, 33-vjeçari përpunonte mbetje spitalore. Lala është mjek stomatolog dhe pak kohë më parë atij i vendosën tritol edhe te klinika, ngjarja që pasoi një episod dhune ndaj tij.
Në cilësinë e provës materiale u sekuestrua një copë fitil zjarr- përcjellës, ndërsa policia bën me dije se po punohet për identifikimin dhe kapjen e autorëve. /a.m.
