Suzana dhe Bashkimi janë njohur në 1 tetor të 1968. Të dy nga Tirana, ai inxhinier ajo stomatologe, sot të lagjes i njohin si çifti i lumtur.
“Bashkë kemi 50 vjet,me fejesën dashurinë e martesën”, shprehet Suzana Sefa për Top Channel.
Pas fjalëve të mira të dëgjuara për Suzanën, 19 vjeç në atë kohë, në një nga festat e diktaturës, ku lindnin miqësitë mes të rinjve, Bashkimi vendosi që jeta e tij të merrte kthesë tjetër më ndërmjetësinë e mikut të tij.
“Takimi i dytë pastaj, ai i njohuri ynë i përbashkët e kishim në pallat i tha prindërve të mi,në kohën tonë kështu ka qene, i tha kemi një inxhinier një djalë të mirë. Edhe unë prindërit i kam pasur të emancipuar, i thanë po. Më pas dolëm, u takuam, shëtitëm”, thotë Suzana.
Sot, të dhënat nga INSTAT për vitin 2017 tregojnë se numri i martesave është në rënie, ku rekordin më të ulët e mban kryeqyteti me një normë prej 7.1 martesa për 1000 banorë. Ndërsa numrin më të lartë të martesave e kanë lezhjanët me 10.2 për 1000 banorë, pasuar nga Berati me 9.2, Dibra me 8.7, Durrësi dhe Fieri me 8.3, ndërsa Elbasani me 8.2 martesa. Vlora dhe Shkodra ishin pak a shumë në të njëjtën normë, e para 7.6 martesa për 1000 banorë, ndërsa qyteti verior me 7.4.
Tendenca e këtij viti si dhe atij që lamë pas duket se për të rinjtë është më pak martesa dhe në moshë më të vonë.
Rreth 23 mijë martesa janë regjistruar në zyrat e gjendjes civile për 2017, 5.7% më pak krahasuar me vitin 2013.
Tabele:
Numri i martesave për 1000 banorë në qytetet shqiptare:
Tirana- 7.1 martesa për 1000 banorë
Lezha- 10.2 martesa për 1000 banorë
Berati-9.2 martesa për 1000 banorë
Dibra- 8.7 martesa për 1000 banorë
Durrësi- 8.3 martesa për 1000 banorë
Fieri 8.3 martesa për 1000 banorë
Elbasani: 8.2 martesa për 1000 banorë
Vlora: 7.6 martesa për 1000 banorë
Shkodra: 7.4 martesa për 1000 banorë
Kukësi: 7.1 martesa për 1000 banorë
Gjirokastra: 7.1 martesa për 1000 banorë
Korca: 7.1 martesa për 1000 banorë
