A është kjo mbrojtja më e mirë në historinë e Juventusit? Nëse i hedhim një sy shifrave që ka reparti i prapavijës tek bardhezinjtë, atëherë pyetja është mëse legjitime. Asnjë gol i pësuar në ndeshjet brenda në shtëpi. Një lojtar i vetëm mund të të dhurojë fitoren dhe nëse skuadra ka një mbrojtje të fortë, këtu shtohet dhe fitimi i kampionatit, titujt kampionë në të gjitha kompeticionet ku merr pjesë. Në edicionin futbollistik 20162017 ecuria e Juventusit është e jashtëzakonshme dhe me shumë mundësi do të futet në librat e historisë në botën e futbollit.
Treshja e famshme Messi-Suarez-Neymar nuk arriti dot ta mposhte murin bardhezi dhe legjëndën e portës Gianluiggi Buffon. 621 minuta dhe zero gola të pësuar. Statistikë e frikshme për kundërshtarët e “Zonjës së Vjetër”. Meritë absolute ka treshja e prapavijës, BarzagliBonucciChiellini. Për ta vitet kalojnë, por ky fakt nuk përmbën problem, përkundrazi i maturon dhe i bën më të sigurt. Alex Sandro është garancia në krahun e majtë, një tjetër vlerë e shtuar është emri i Dani Alves. Miralem Pjanic është truri i mesfushës. Gianluiggi Buffon, 621 minuta e portën e pa prekur, pa dyshim që merita është edhe atij. Një jetë në portën e bardhezinjve, ndoshta Giggi i këtij sezoni është më i mirë që mund të kemi pari ndonjëherë.
Champions League është trofeu që i mungon një legjende si ai. Më njërën këmbë pranë finales së Cardiff, e nëse objektivi arrihet, ndoshta do të pasohet edhe me një tjetër trofe, atë të “Topit të Artë”. Janë me njërën dorë tek titulli i 7 kampionë si dhe kanë një finale për tu lujatur, atë të Kupës së Italisë”. Sulmi është qershira mbi tortë. HiguainDybalaMandzukic, tre emrat që të dërgojnë drejt fundit të rrjetës. Juventusin e ndajnë nga pjesa e të bërit histori, vetëm 2 takime. Performanca e kampionëve të Italisë përgjatë këtij sezoni, të bën të besosh se objektivi është i realizueshëm. /Dita/b.d
