Rreth 74 mijë udhëtarë vendas dhe të huaj me afro 20 mijë automjete gjithsej kanë shfrytëzuar lundrimin me tragete nga/drejt Durrësit gjatë periudhës 1 – 25 shtator të këtij viti.
Sipas të dhënave operative të Autoritetit Portual Durrës, pjesa më e madhe e udhëtarëve, afro 52 mijë të tillë me mbi 9,900 autovetura, janë nisur nga Durrësi drejt porteve të Barit, Ankonës dhe Triestes, ndërsa vetëm 22 mijë të tjerë me rreth 4,400 autovetura kanë mbërritur gjatë këtyre 25 ditëve në portin më të madh të vendit.
Nga të dhënat e APD, mësohet gjithashtu se veç udhëtarëve dhe autoveturave, tragetet kanë transportuar edhe 5,425 kamionë dhe trajlerë me mallra të ndryshme importi dhe eksporti.
/a.r
