Nënkryetari i bashkisë së Mariupolit është shprehur se nuk e di sa persona janë vrarë në total në qytet, por sipas informacioneve të tij, shifra më e fundit është 1207.
“Këto janë vetëm trupa që kemi mbledhur në rrugë”, tha Sergei Orlov.
Ai u shpreh se 47 persona ishin varrosur në një varr masiv pasi nuk ishte e mundur që të arrihej në varrezat jashtë qytetit.
“Jo të gjithë u identifikuan”, shtoi Orlov.
Ai tha se nuk ishte e mundur që të evakohen njerëzit nga qyteti ose të silleshin ndihma. Rreth 100 njerëz që përpiqeshin të iknin me makina private u detyruan të ktheheshin sërish dje pasi forcat ruse në një pikë kontrolli filluan të qëllojnë “jo drejtpërdrejt në makina, por rreth makinave”.
/a.r
