Një 38-vjeçar u arrestua nga Policia e Durrësit pasi akuzohet se shfrytëzonte femra për prostitucion dhe shpërndante kokainë në lokalet e natës.
Specialistët e Sektorit për Hetimin e Krimit të Organizuar në Drejtorinë Vendore të Policisë Durrës në bashkëpunim me Prokurorinë e Rrethit Gjyqësor Durrës, pas një hetimi 6- mujor me metoda speciale kanë finalizuar me sukses operacionin e koduar “Postieri”.
Hektor Psatha 38 vjeç , banues në Durrës shfrytëzonte femra për prostitucion kundrejt pagesës prej 50 € dhe shpërndante lëndë narkotike në lokalet e natës, kryesisht në zonën e Plazhit.
Janë sekuestruar në cilësinë e provave materiale 22 doza lëndë narkotike e dyshuar e llojit Kokainë, një automjet tip Toyota Yaris, 2 telefona celularë.
Psatha është person me precedentë penal të mëparshëm në fushën e veprave penale kundër pronës.
Për shkak të hetimeve policia thotë se nuk jep më shumë detaje rreth ngjarjes./a.m.
