Valbona Marku Nrecaj u vra të shtunën mbrëma bashkë me të bijën e saj nga ish-burri, Pjetër Nrecaj. Në katër faqe aktakuzë prokurorja Mene Syla ka sqaruar konfliktet e mëhershme në çiftit Ndrecaj të cilat mbrëmë përfunduan me dy vrasje.
KALLXO.com ka siguruar një kopje të aktakuzës së prokurorisë së Gjakovës ku sqarohet historia e konfliktit në mes çiftit.viktima_1533716119-8665835
Konflikti mes çifti kishte filluar mbrëmjen e 10 majit 2018 kur Valbona Ndrecaj kishte denoncuar në polici se ishte rrahur nga bashkëshorti i saj Pjetër Ndrecaj. Prokuroria përshkruan se Ndrecaj atë mbrëmje e kishte kapur për flokësh gruan e tij dhe e kishte goditur me grushte në kokë dhe në syrin e majtë.
Atë mbrëmje pas ankesës së viktimës Nrecaj ishte prangosur për t’u mbajtur deri me 11 qershor në paraburgim.
Prokuroria sqaron se konflikti mes çiftit kishte filluar nga një konflikt që njëri nga fëmijët e çiftit kishte me fëmijët e vëllait të Ndrecajt. Viktima në deklaratë kishte përshkruar se djali i saj kishte gjetur 5 euro në rrugë ndërsa djali i kunatit kishte pretenduar se ishin të tijat, gjë që kishte çuar në një konflikt në mes kunatave. Siç përshkruhet në aktakuzë burri të nesërmen i kishte dhënë djalit të vëllait paratë. Vendimi për t’ja kthyer paratë ishte pritur si ofendim nga viktima e cila kishte debatuar me burrin, debat ky që kishte çuar në sulmin fizik. Në dëshminë e saj Valbona Ndrecaj kishte përmendur se disa herë me radhë ishte rrahur nga burri ndërsa kishte ankesa se kishte kryer edhe marrëdhënie seksuale pa pajtimin e saj. Një muaj para se të paraburgosej Nrecaj, çifti ishin pajtuar me një ndërmjetësues me premtimin se dhuna nuk do përsëritej.
Më herët, e ndjera e kishte njoftuar Policinë për kërcënimet që kishte marrë nga bashkëshorti pak orë para se të ndodhte vrasja, këta të fundit nuk i kishin konsideruar si shumë serioze ato kërcënime. Madje, policia nuk kishte dërguar as mbrojtje në shtëpinë ku po qëndronte Valeriana më të bijat dhe kërcënuesin nuk kishin arritur ta gjenin. Por, sot nga prokuroria në Gjakovë shprehet se nuk i morën shumë seriozisht deklaratat e Valerianës se ish-burri po e kërcënonte./a.m.
