Deputeti i zgjedhur i Partisë Demokratike, në Gjirokastër, Tritan Shehu thotë se në këtë qytet të gjithë luftuan për votën e PD-së dhe kjo gjë solli një rezultat nga më të mirët në procesin zgjedhor.
Duke ju përgjigjur, kritikave të anëtarit të Këshillit të PD-së Roland Bejko, një ditë më pare, Shehu tha se demokratet ne keto momente nuk duhet te jene te perçare.
Në një intervistë për Report TV, Shehu tha këto kritika nuk i shërbejnë Partisë Demokratike. Madje ai e këshilloi që të jetë më i kujdesshëm në prononcime.
Shehu pranoi se me aleatët nuk funksionoi bashkëpunimi, ndërkohë që shtoi se fakti që nuk ishin në një listë të përbashkët me LSI-në bëri që të humbnin shumë vota.
‘Nuk merrem me individë. Nuk i shërbejnë PD-së këto reagime, i këshilloj të jenë më të kujdesshëm dhe më të qetë në të tilla prononcime. Nuk i shërbejnë as analizës së PD-së. Në Gjirokastër të gjithë luftuan për votën për PD ishin të gjithë të motivuar për votën e PD dhe solli që të dilnim në një rezultat nga më të mirët në procesin zgjedhor.
Nuk funksionoi realizimi i aleatëve tanë për mënyrën e bashkëpunimit me ne. Me gjithë kërkesat tonë të vazhdueshme, me gjithë këmbënguljen tonë për të qenë në një listë me ne gjë që bëri të humbnim mbi 10 mijë vota, pasi nuk ishim në një listë me LSI.’- tha Shehu.
Tritan Shehu, tha po ashtu se Kongresi Kombëtar që u zhvillua nga PD, transmetoi një frymë të hapur demokratike. Sipas tij, largimi i kritikëve ka ardhur nga vota e anëtarëve dhe se ato nuk arritën që të zgjidheshin.
‘Kongresi transmetoi një frymë të hapur një frymë demokratike. Pati edhe kritika, ato që kritikuan më ashpër janë të zgjedhur, janë edhe deputet. Votimi ishte i fshehtë i lirë dhe demokratik. Nuk arriti që të zgjidhej dikush, më vjen keq por këto janë rezultat që dolën. Lista është e gjatë, zgjodhën anëtarët. Nuk mund të jenë të gjithë në Këshill Kombëtar.’- tha Shehu.
/m.j
