Bëri shumë bujë zënka publike e Noizyt dhe Encës të cilët prej kohësh e kanë shfaqur hapur miqësinë e tyre të ngushtë. Ndërsa Noizy e quajti Encën mosmirënjohëse, duke i thënë se ajo ishte bërë e suksesshme falë tij, kjo e fundit e ka quajtur gënjeshtar publikisht dhe se ajo ishte bërë falë punës së saj dhe jo falë tij.
Zënka e tyre mesa duket nuk është aspak për show, megjithëse u deklarua publikisht, kjo sepse nëse shohim profilet në Instagram të secilit prej këngëtarëve kuptojmë që ata nuk e ndjekin më njëri-tjetrin, duke vënë në këtë mënyrë “pikat mbi i”, për të treguar se shoqëria e tyre ka marrë fund.
Por duhet të shtojmë se as Noizy dhe as Enca nuk i kanë fshirë postimet për njëri-tjetrin, mos ndoshta kanë “harruar”?/joq
