Një sherr me thika ka ndodhur gjatë natës që lamë pas në lagjen 28 Nëntori në qytetin e Elbasanit, ku ka mbetur i plagosur një person.
Korespondenti i Panorama bën me dije se Olsi Dervishi, 33 vjeç është i plagosuri i cili ka marrë ndihmën e parë në spitalin Kirurgjik Elbasan.
Policia ka identifikuar autorin e plagosjes dhe ka ngritur pika kontrolli dhe po punon per kapjen e tij.
Autori, i identifikuar si Qamil Hasa, dyshohet se e ka qëlluar kur ka qenë në gjendje të dehur 33-vjeçarin, mëson Panorama.
Hasa mësohet se është një person me precedent penalë, pasi ka vuajtur dënim për akuzën e kultivimit të lëndëve narkotike.
Elbasan/Informacion paraprak
Në lagjen “28 Nëntori”, gjatë një konflikti për motive të dobëta, shtetasi Q. H., 27 vjeç, banues në Elbasan, ka goditur me mjet prerës (thikë) shtetasin O. D., 33 vjeç, banues në Elbasan, i cili ndodhet nën kujdesin e mjekëve.
Vijon puna për kapjen e shtetasit Q. H.
Grupi hetimor po punon për zbardhjen dhe sqarimin e plotë të rrethanave të ngjarjes.
g.kosovari