Këngëtarja shqiptare ka publikuar një video në rrjetet sociale teksa shihet duke kënduar bashkëpunimin e saj me Noizyn “Bow Down”. Anash videos Enca shkruan se e ka tekstin e ka bërë ajo.
Dy këngëtarët shqiptarë u bënë të famshëm për bashkëpunimet e tyre, por gjithçka mbaroi me konflikte. Këngëtarja Enca dhe reperi Noizy e thumbojnë shpeshherë njëri-tjetrin me anë të postimeve të ndryshme në rrjetet sociale.
Dikur reperi u shpreh se ai e bëri të famshme kolegen e tij, me suportin që i dha e ndërsa Enca këmbëngulte që ishte një ‘Selfmade’, e thënë në shqip, e bërë vetë me forcat e saj. Mirëpo kjo e fundit ka bërë sërish një thumbim kundrejt Noizyt.
Mbrëmjen e kaluar, këngëtarja publikoi disa video në rrjetet sociale nga koncerti i fundit që ka dhënë. Teksa dëgjohet duke kënduar bashkëpunimin me reperin Enca shkruan krahas videos: “Ky është një nga fiksimet më të mira që kam shkruar”, duke i dhënë sërish të gjitha meritat vetes.
Mirëpo nëse shohim në kanalin zyrtar të Encës në “Youtube”, në momentin që është publikuar kënga shkruhet se autori i tekstit janë të dy këngëtarët. Mos ndoshta 23-vjeçares nuk i ka dalë ende inati me reperin?! (Panorama)
