Kryetari i Partisë Demokratike, Lulzim Basha ka komanduar dje dy drejtuesit e rinj të departamenteve, pas vakancave të shkaktuara nga zgjedhjet e 21 qershorit. Kësisoj, ish-kandidati për Bashkinë e Fierit, Enkelejd Alibeaj emërohet shef i Departamentit të Sigurisë, Rendit Publik dhe Luftës kundër Krimit, ndërsa Ardian Turku, ish garues për Bashkinë e Elbasanit, emërohet në krye të Departamentit të Pushtetit Vendor dhe Administrimit të Territorit, raporton Shqiptarja.com
Vakancat në departamente u krijuan pasi drejtuesit e mëparshëm, Bashkim Shehu dhe Voltana Ademi fituan zgjedhjet për kryetar Bashkie, përkatësisht në Kukës dhe Shkodër.
