Të paktën katër persona kanë vdekur në Francë dhe një tjetër është plagosur, pas përmbytjeve të shkaktuara nga stuhia Adam.
Stuhia shkaktoi përmbytje të gjera në të gjithë Francën jugore të martën, duke përmbytur rrugët dhe duke ndërprerë transportin.
Ndër vdekjet ishin dy gra të moshës 86 dhe 26 vjeç, të cilat u gjetën të mbytura në një bodrum në rajonin Bouches-du-Rhône.
Korsika u godit gjithashtu nga moti i keq. Mediat lokale raportuan se një automjet 4×4 u rrëmbye nga ujërat e përmbytjes të martën, një nga pasagjerët doli nga një dritare, por një burrë tjetër u gjet i vdekur . Autoritetet nuk kanë publikuar detaje të mëtejshme rreth vdekjes së katërt.
Në qytetet Mouriès dhe Saint-Martin-de-Crau, midis Montpellier dhe Marseille, dhjetëra banorë u strehuan në strehimore emergjente pas përmbytjeve. Zyrtarët thanë se një person ishte plagosur në atë zonë.
Rrugët dhe linjat e trenave në zonë u ndërprenë gjithashtu, shkroi Ministri i Transportit Philippe Tabarot në një postim në X.
Reshjet e dendura të shiut që filluan më 19 tetor shkaktuan përmbytje të konsiderueshme në Francën juglindore.
Stuhia Adam kishte sjellë përmbytje të mëdha në Spanjën lindore, ku të paktën tre persona humbën jetën.
Disa qytete përgjatë bregdetit Mesdhe u izoluan nga ujërat e përmbytjeve, ndërsa helikopterët u dërguan për të shpëtuar njerëzit e bllokuar në çati.
The post Stuhia “Adam” godet jugun e Francës, humbin jetën 4 persona appeared first on Euronews Albania.
Burimi: Botë
