Një sherr për motive pronësie është regjistruar në Himarë, ndërsa policia ka nisur procedim penal për dy persona.
Sipas policisë, bëhet me dije se dy shtetasit 49-vjeç dhe 54-vjeç kanë goditur me grushte dhe me gurë një 68-vjeçar. Ky i fundi ka marrë dëmtime në kokë dhe në trup.
“Specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimi penal për shtetasit 49 vjeç, dhe 54 vjeç, të dy banues në fshatin Vranisht, pasi ka kallëzuar shtetasi 68 vjeç, banues në të njëjtin fshat, se gjatë një debati për motive pronësie, këta shtetas e kanë goditur me grushte dhe me gurë, duke i shkaktuar dëmtime në kokë dhe në trup”, thuhet në njoftimin e policisë.
