Një sherr për femrat duket se ishte shkaku që i mori jetën 34-vjeçarit në Kamëz. Burime për “Panorama” bëjnë me dije se viktima dhe autori kanë qenë të ulur në një lokal, që kohë më parë ishte mbyllur për shfrytëzim prostitucioni.
Burimet thonë se sherri ka nisur teksa të dy kanë qenë nën efelktin e alkoolit, por ende nuk ka një version zyrtar nga ana e policisë, e cila ka theksuar se po hetohet për zbardhjen e ngjarjes.
Autori, tashmë i identifikuar është shpallur në kërkim nga policia. Ndërkohë që nuk është gjetur as arma e krimit, thika, nga e cila mbeti i vdekur 34-vjeçari, Olsi Kaptina.
Ndërron jetë i plagosuri
Grupi hetimor në vendin e ngjarjes ka identifikuar autorin e dyshuar të kësaj ngjarje shtetasin Altin Ndoci, 55 vjeç, banues në Kukës. Vijon puna për kapjen e tij.
