Në një rrahje masive që ka ndodhur mbrëmjen e të martës në një shtëpi azili në Hamburg janë përfshirë rreth 60 veta, shqiptarë dhe afganistanas. Pesë veta kanë pësuar lëndime nga kjo rrahje masive, njëri prej të cilëve është therur me thikë në krah dhe është dashur të dërgohet në spital për trajtim, shkruan spiegel.de.
Disa nga refugjatët, banorë të kësaj qendre azili kanë qenë të armatosur me shkopinj metalikë. Policia është dashur të ndërhyjë me mobilizim të madh për të shuar konfliktin, transmeton albinfo.ch.
