Një sherr me sende të forta, ku janë përfshirë disa persona, ka ndodhur në një qendër tregtare në Tiranë.
Mësohet se në parkingun e një qendre tregtare, në rrugën dytësore autostradën Tiranë-Durrës, dy shtetasit me iniciale A. A., 39 vjeç dhe F. P., 34 vjeç, në bashkëpunim me disa shtetas të tjerë, pas një konflikti për motive të dobëta, kanë goditur me sende të forta, shtetasin F. H., 35 vjeç.
Në lidhje me rastin, Policia e Tiranës njofton se, ka nisur procedimin penal në gjendje të lirë për 34 dhe 39-vjeçarin të përfshirë në këtë konflikt.
“Specialistët për Hetimin e Krimeve të Komisariatit të Policisë Nr. 6 referuan materialet në Prokurori dhe nisi procedimi penal në gjendje të lirë për shtetasit A. A., 39 vjeç dhe F. P., 34 vjeç, të dy banues në Tiranë, pasi në parkingun e një qendre tregtare, në rrugën dytësore autostradën Tiranë-Durrës, në bashkëpunim me disa shtetas të tjerë, pas një konflikti për motive të dobëta, kanë goditur me sende të forta, shtetasin F. H., 35 vjeç.”
Njoftimi i Policisë së Tiranës
/a.r
