Policia italiane në Savona ka arritur të arrestojë një shtetas shqiptar që akuzohet për vjedhje dhe përndjekje. Shqiptari i dhunshëm u kap pasi kishte rrahur ish-të dashurën në mes të rrugës.
Bëhet fjalë për 35 vjeçarin e identifikuar si Agim.S që sulmoi ish-partneren me një grusht në fytyrë duke i thyer edhe hundën asaj.
Gruaja, 34-vjeçare me origjinë tuniziane, ishte lënë në rrugë, por për fatin e saj aty pranë kalon një person të cilit i kërkoi ndihmë.
Ai lajmëroi policinë e cila u vu në ndjekje të shqiptarit dhe arriti ta arrestojë, shkruan panorama.
Mbi të rëndon akuza e përndjekjes ndaj ish-partneres, lëndime të rënda dhe vjedhje. Siç raportojnë mediat italiane, shqiptari ishte nervozuar gjatë një sherri mes tyre, madje e kishte kërcënuar me thikë dhe sulmuar me shkelma dhe grushta gruan.
Ai ishte larguar duke i marrë me vete edhe telkefonin asaj, me qëllim që të mos kishte mundësi të lajmëronte policinë.
