Policia e Lezhës ka parandaluar një vrasje në fshatin Torovicë, ndërsa ka arrestuar në flagrancë autorin e dyshuar. Blutë bënë të ditur bënë të ditur se dy persona janë konfliktuar me njëri-tjetrin dhe në debat e sipër shtetasi Agron Gjeka 40-vjeç ka tentuar të vrasë me armë gjahu bashkëfshatarin e tij, 31-vjeçarin L.B .
Kanë qenë banorë të zonës të cilët kanë njoftuar menjëherë policinë dhe falë ndërhyrjes në një kohë të shpejtë u parandalua vrasja. Blutë bënë të ditur se kanë arrestuar autorin e dyshuar 40-vjeçarin Agron Gjeka, ndërsa janë zbardhur edhe motivet e ngjarjes.
Sipas të dhënave, konflikti midis tyre lidhet me një çështje pronësie. Materialet procedurale ndaj 40-vjeçarit iu referuan Prokurorisë së Rrethit Gjyqësor Lezhë për veprën penale “Vrasja me paramendim e mbetur në tentativë” dhe “Prodhim dhe mbajtje pa leje e armëve të gjahut”.
ma.me
