Kandidati i opozitës për kryetar të bashkisë së Dibrës ka shënuar një humbje katastrofike, duke ia atashuar këtë humbje dhe liderit të kësaj partie Lulzim Basha, por dhe të rikthyerve të cilët kërkuan “frymëzim” në Dibër për ringritjen e tyre politike.
Por një pjesë të fajit për humbjen e ka dhe vetë Sherefedin Shehu, i cili jo vetëm që nuk arriti të rregullonte letrat për të votuar në Dibër, çka tregon mungesë serioziteti dhe aftësie për të menaxhuar dhe veten, por nuk arriti as të bindë bashkëfshatarët e tij që ti japin votën.
Kështu në fshatin e tij të lindjes Sllovë, kandidati i PD Shehu ka humbur përballë kandidatit të PS Rama me një diferencë prej 25 votash. Dhe kur nuk arrin të votosh për veten, kur nuk arrin as të bindësh vendlindjen tënde, bashkëfshtarët e tu se e meriton votën, humbja është e sigurtë.
