Njësoj si kryeministri Edi Rama edhe ministrja Mirela Kumbaro është shprehur e shokuar nga premtimet e kandidatit të koalicionit Meta-Berisha për bashkinë e Libohovës i cili është zotuar për shërbim funeral falas nëse zgjidhet kryebashkiak, Adil Xhelili. “Turpi i botës” do të shprehej Kumbaro gjatë fjalës së saj në takimin e mbajtur në Gjirokastër.
“Ne flasim në emër të jetës. Ata flasin në emër të vdekjes duke u bërë dhe qesharakë. Vetëm këto vite kemi dhënë në Gjirokastër 1500 bonuse për bebe falas, duke i dhënë jetës kuptim. Ndërkohë ata flasin për funerale, turpi i botës! Prandaj non grata kurrë më mbrapa nuk mund të kthehet këtu te ne. Vetëm përpara”, tha Mirela Kumbaro./m.j
