Real Madridi dhe Atletico Madridi kanë ndarë pikët, duke barazuar 1-1 në “Santiago Bernabeu”.
Real Madridi ka marrë vetëm një pikë në xhiron e 31 në La Liga, duke barazuar 1-1 në derbi me Atletico Madridin, që u zhvillua në “Santiago Bernabeu”, shkruan Gazeta Express.
Të parët në epërsi kaluan vendasit në minutën e 53’ me golin e bukur të Cristiano Ronaldos, barazoi gjithçka pas katër minutave Antoine Griezmann, që doli të jetë rezultati përfundimtar 1-1.
Ky barazim i shkon me mire Atleticos që vazhdon të mbetet katër pikë para Realit, ndërsa Los Blancos gjenden në pozitën e tretë me 64 pikë, 15 më pak se Barcelona.
Reali mund ta humbasë pozitën e tretë, nëse Valencia triumfon në shtëpi kundër Espanyol.
