Pasditen e së dielës mediat italiane raportuan se është shënuar viktima e tretë nga koronavirusi në Itali.
Viktima është regjistruar në zonën e Kremonas, ndërsa ende nuk dihet identiteti dhe mosha e personit që ka humbur jetën.
Italia ka hyrë në ditën e dytë të makthit nga koronavirusi. 11 komuna të rajoneve të Lombardisë dhe Venetos në veri të Italisë, në të cilat jetojnë mbi 50 mijë banorë, janë izoluar.
Infeksionet nga koronavirusi po rriten me shpejtësi në Itali. 149 persona kanë rezultuar pozitivë, nga të cilët 89 janë në Lombardi dhe 24 në Veneto. 25 prej tyre janë shtruar në spital në kujdes intensiv.
/a.r