Nga Pëllumb Kulla
Richard Macgreen, mik i ngushtë i Fatmir Mehdiut, ai që pas një përpjekje të gjatë e të stërmundimshme, pat sjellë të ftuarit shqiptarë në Konventën e Republikanëve, amerikanë, mbajti shënime me mbresa nga fjalimi i Presidentit Trump.
Pastaj shënimet Macgreenit diku i ranë, nga të tjerëi u gjetën dhe morën dhenë.
Ai kish vënë re, se lumturisht Presidenti iu referua qartë dhe shpesh pranisë së shqiptarëve në sallë dhe jetës politike në vendin e shqiponjave.
Së pari falenderoi pjesëmarrësit edhe ata që bënë të myndur këtë mbledhje të delegatëve nga tërë vendet e botës. (Këtu qe parë një kthim masiv kokash drejt vendit ku në fund të sallës ishin ulur Macgreen, Mehdiu dhe Shkëlqësia e Tij Sali Berisha
Pastaj Presidenti Trump diku nga mezi fjalës kish dëshmuar se nuk është aspak indiferent ndaj forcave politike, që përpiqen por e kanë zgjatur tmerrësisht tranzicionin në Shqipëri.
E nisi duke thënë se rreziku kryesor në planetin tonë ishte rikthimi I komunizmit dhe narkotrafiku. Të pranishmit e kuptuan menjëherë se zoti Trump këto shigjeta të mprehta i kishte për Kryeministrin e Shqipërisë, Edi Rama.
Kjo bëri që të shpërthente një duartrokitje e gjatëi, (I fundit pushoi së duartrokituri zoti Berisha, që po të mos ia kish ulur duart Fatmiri do të vazhdonte edhe më shumë).
Zoti Trump tha më tej se forcat përparimtare duhet t’i shtojnë përpjekjet që të dalin zot ato dhe vetëm delegatët injorantë që mbushnin sallën, nuk e kuptuan se fjala ishte qartazi për partinë e z. Berisha.
Trump u dha mbështetje morale edhe forcave të vogla përparimtare dhe vetëm sa s’i nxorri nga goja emrat e Mehdiut, Qorrit, Lapajt dhe sidomos të Agron Shehajt.
Presidenti Trump iu referua dhe njëherë zotit Berisha kur përmendi fjalën ”Ripërtritje”. Ishte mjaft prekëse sepse me t’u shqiptuar ripërtëritja, vështrimet e tërë delegatëve të republikanëve amerikanë, u kthyen menjëherë në reshtin e fundit të sallës, ku në mungesë të vendeve për t’u ulur, Berishës i pat bërë një copë vend Fatmir Mehdiu në karrigen e tij.
