Ka shkuar në 18 numri i viktimave dhe 145 rezultojnë ende të humbur pas shembjes së ndërtesës në Miami.
“Gjatë 12 orëve të fundit, arritëm të gjenin disa persona të tjerë por fatkeqësisht ata kanë vdekur, “tha zjarrfikësi Golan Vas, komandant i Njësisë Izraelite të Shpëtimit, për CNN.
Numri i të vdekurve tani ka shkuar në 18, ndërsa 145 rezultojnë ende të zhdukur. Mes viktimave janë edhe dy fëmijë të moshës 10 dhe 4 vjeç. Pothuajse një javë pas shembjes, Vas tha se shpresa për të gjetur të mbijetuar tani është shumë e pakët.
Ndërtesa 12 katëshe u shemb të enjten e kaluar rreth orës 1:20 të mëngjesit, duke shkaktuar një nga katastrofat më të këqija civile në historinë e SHBA-së.
Ndërsa një video e re që është publikuar nga mediat e huaja tregon ujë që shpërthen nga tavani i garazhit të ndërtesës së shembur të Miamit, ndërsa mbeturinat e betonit bien në dyshemenë vetëm shtatë minuta para se të shembeshin.
g.kosovari
