Antipik dhe produkt berishian e ka cilësuar kreu i LZHK-së Dashamir Shehi, ish-deputetin demokrat Ervin Salianji, i cili tentoi të garojë për kreun e PD-së, por nuk u mor në shqyrtim nga KOKOE. Por pavarësisht bindjes së tij personale, ai e vlerëson për kurajon që po tenton të sfidojë status-quo-në në PD, sikurse kanë vepruar më parë edhe figura të tjera demokrate. Ai theksoi gjithashtu se brenda PD-së ka pasur vazhdimisht grupe që kanë kundërshtuar drejtimin, por që shpesh kanë dështuar ose janë larguar.
“Edhe ky Salianji që unë s’e kam qejf ndonjëherë lloj antipatie me thënë të drejtën, sepse është personazh i prodhuar nga mentaliteti berishian ky vetë. Por gjithsesi unë ju uroj punë të mbarë se në fund të fundit mbas shumë kohëve ka marrë kurajon të thotë një pjesë të atyre të vërtetave aty, se nuk është hera e parë që ndodh kjo punë PD. Kjo ka filluar që 92-shin 93-shin me aleancën për herë të parë e ka vazhduar me ne ‘ 97ën e ka vazhduar me Reformator 2001-in e gjithmonë ka pas grupe atje brenda që dalin nga atje edhe me të drejtë thotë jo. Fatkeqësisht kanë qenë të pasuksesshëm, saqë të gjithë janë të detyruar të largohen nga PD-ja dhe më të suksesshmit e fundit që qenë këto dy grupet e reja. Si duket ka ardhur dhe koha, kapën momentin, trendin edhe rritën 100 e sa mijë vota dhe është një shenjë e mirë për demokracinë. Nga ana praktike ndoshta për opozitën s’është fort pozitive ë në opozitë. Po gjithsesi kjo është një rrugë do kalohet nëpërmjet s’ka rrugë tjetër”, tha Shehi.
Në studion e A2 Puls me Bruna Çifligun në A2 CNN, ai tha se Berisha shqetësohet nga çdo lëvizje që mund të bashkojë opozitën jashtë ndikimit të tij, duke synuar kontroll të plotë brenda partisë.
“Në qoftë se ti ve një shenjë aty, një strumbullar të vogël, e gjithë kjo kashta e hallakatur e opozitës mund të mblidhet këtu. Një pjesë sa 10%, 20%. Tregon që ka njerëz jo se duan Salianjin, po ta them unë me eksperiencën time që edhe mund ta duan një pjesë, por nuk duan Berishën edhe Berisha e din fort mirë këtë punë. Do pushtet absolut brenda atij që është oborri i vet. Për ne opozitarët e tjerë ka mbet kjo punë që unë kam 30 vjeç duhet me dalë nga oborri. Në një fshat që nuk dëgjojnë largohu, thotë populli dhe ne këtë kemi bërë. Pastaj populli është po ky ja ka thënë kryeplakut gjithnjë atë vote. Po s’ka rëndësi. Ndoshta kohë do të tregojnë që rruga jonë ka qenë e drejtë, e parakohshme. Jo në realitetin shqiptar edhe kjo mund të jetë, por gjithsesi s’ka rrugë të tjera se do i kishim shkel gjatë këtyre viteve. Unë do kisha preferuar që lëvizja të vijë nga ato deputetë të gjeneratës së re që janë aty. Ka plot të arsimuar aty. Megjithatë edhe Salianjin ta thashë që s’na ka dashur ndonjëherë ne gjeneratën e vjetër po them atje, sepse ka menduar që i takon këtyre të rinjve. Në fakt këto janë arrivistët e partisë, por gjithsesi unë i quaj pozitivë edhe mund të jem nga ato të pakt budallenjtë e fundit i idealistë së politikës që mendojnë nuk ka rëndësi na duan s’na duan ato ne”.
