Shkatërrohet një bandë e fuqishme e trafikut të drogave të ndryshme nga Shqipëria në Itali. Në kuadër të një operacioni të përbashkët mes prokurorisë, policisë shqiptare dhe prokurorisë Antimafia Italiane, u arrestuan 19 perssna dhe janë shpallur në këkrim dy të tjerë.
Nga hetimet rezulton se kjo organizatë ka trafikuar në dy vitet e fundit 2.5 tonë kanabis të sekuestruara në Itali, një kilogramë kokainë dhe një kilogramë heroinë.
Kjo organizatë ka trafikuar përmes mënyrave të ndryshme, duke përdorur edhe rrugët ajrore siç tha Kryeprourori i Krimeve të Rënda Besim Hajdarmataj.
“Në vendin tonë dhe në Itali janë nxjerrë urdhra arresti për 21 shtetas, 19 arrestuar, 2 në kërkim, të cilët janë pjesë e grupeve të sturkturuar kriminale në fushën e narkotikëve, kryesisht për kanabis. Nga operacionet e kryera në Itali në 2016-2017 janë sekeustruar 2.5 tonë kanabis, 1 kg kokainë, 1 kg heroinë. Arresitmi është bërë si rezultat i hetimeve të përbashkëta me palën italiane. Nga puna e përbashkët e oficerëve të policisë gjyqësore pranë prokurorisë së Krimeve të Rënda, të DIA, Bari Itali dhe policisë së shtetit u bë i mundur lokalizimi i vendndodhjeve të tyre, u bë arrestimi i tyre në operacioni e datës 14.3 2018. Operacioni kishte në përbërje të grupit në terren, oficerë të polcisië së shtetit, forcave operacione dhe me asistimin fizik të DIA. Ky operacion shënon finalizmin e një bashkëpunimi të suksesshëm. Është hera e parë që një operacion të tillë asistojnë dhe oficerë të DIA, që treguan frymën e tyre të bashkëpunimit gjatë punës në terren me oficerë të policisë së shtetit.”, deklaroi Hajdarmataj gjatë konferencës së përbashkët për media me prokurorin italian të Antimafias dhe drejtorin e Policisë Ardi Veliu.
Pyetje nga gazetarët:
Pse u quajt “Shefi” operacioni i madh antidrogë?
Kreu i DIA: “Shefi” sepse organizimi vinte nga lart. Sa i përket zonës nga vinte droga, duhet të jetë zona e Orikumit. është emri i cili i është vendosur operacionit, jo emri i një personi të caktuar. Në vijim të hetimeve janë vënë dy organizata të ndara nga njëra-tjetra. Njëra që bënte shefin në Bari drejtonte lëndën narkotike dhe tjetra që e shpërndante. Pra, ishin dy organizata të ndryshme.
Çfarë përfaqësonin personat e arrestuar në Shqipëri gjatë operacionit “Shefi”? Ka pasur ndihmesë nga policia?
Kreu i DIA: Nuk kemi të dhëna të tilla. Këta përfaqësonin furnizuesit e lëndës narkotike.
Hajdarmataj: Nuk na rezulton me background përfshirja e tyre në biznese. Kjo do jetë pjesë e hetimeve në vijim.
Ardi Veliu: Gjatë hetimeve nuk është se ka pasur bashkëpunim mes furnitorëve të drogës me individë të policisë shqiptare.
Emrat e shqiptarët të arrestuar nga “Shefi”
1-Dritan Naci, 31 vjeç
2-Mariglen Shusha, 31 nga Vlore
3-Vullnet Daci, 28
4-Gezim Bircaj, 53
5-Malton Lleshi, 34
6-Fiqiret Seferi, 53
7-Ernest Peza, 26
8-Leonidha Sejdiaj, 51
9-Elton Ismaili, 38
10-Ferhat Hajdini, 44
11-Vullnet Cila, 38
12-Shpetim Shehi, 38
13-Donial Drolli, 28
14-Ibrahim Xhihani, 25
15-Ergen Seferi, 27
16-Arian Kërtusha, 47
17-Senat Hallunaj, 22 nga Shkoder
18-Hamid Seferi, 24
19- Marlin Aliaj 23 Në kerkim
20-Andi Peshku 28 Në kerkim
/a.m.
