Shtetet e Bashkuara të Amerikës mund t’i vendosin veton ish-ministrit të Jashtëm Serb, Vuk Jeremiç për kandidaturën e tij për postin e sekretarit të përgjithshëm të OKB-se. Sipas ‘The Guardian’, shkak i vetos mësohet të jetë bërë Kosova. Jeremiç synon të zërë vendin e Ban Ki Moon, edhe pse kandidatura e tij kundërshtohet fort në Bosnjë nga familjarët e viktimave të luftës.
Kandidati i Serbisë për Sekretar të Përgjithshëm të Kombeve të Bashkuara, Vuk Jeremiç, pas raundit të katërt, është pozicionuar në vendin e dytë, pas portugezit Antonio Guteresh. Më 26 shtator anëtarët e Këshillit të Sigurimit të Kombeve të Bashkuara do të votojnë për kandidatin e tyre të preferuar.
Ndërsa Guteresh ka 46 vota pro, 7 kundër e 7 neutrale, Jeremiç ka 33 vota pro, 18 kundër dhe 9 neutrale. Kandidati i tretë, sllovaku Mirosllav Lajçak, ka 28 vota pro, 18 kundër dhe 14 neutrale. Pas raundit të pestë të votimit joformal, më 3 tetor, anëtaret e përhershme të Këshillit të Sigurimit të OKB do të deklarohen zyrtarisht për këtë.
ma.me
