Qeveria e Shtetet e Bashkuara të Amerikës ka vendosur sanksione ndaj rafinerisë private kineze Hengli Group për shkak të marrëveshjeve të saj me Iranin, bëri të ditur Departamenti i Thesarit i SHBA-së.
Sipas një deklarate zyrtare, rafineritë e vogla dhe të pavarura në Kinë vijojnë të luajnë rol kyç në ekonominë e vendit, ndërsa “Hengli Group” renditet ndër klientët më të mëdhenj të Iranit për importin e naftës së papërpunuar dhe produkteve të tjera energjetike, me transaksione që arrijnë në miliarda dollarë.
Përveç kësaj, Uashingtoni ka shpallur masa ndëshkuese edhe ndaj rreth 40 kompanive të transportit detar dhe anijeve që, sipas tij, janë pjesë e të ashtuquajturës “flotë fantazmë” të Teheranit. Këto struktura dyshohet se përdoren për të shmangur sanksionet dhe për të mbështetur eksportet e naftës iraniane në tregjet ndërkombëtare.
Sekretari i Thesarit, Scott Bessent, deklaroi se SHBA po synon rrjetin e anijeve, ndërmjetësve dhe blerësve nga të cilët varet Irani për të shitur naftën jashtë vendit.
“Çdo person apo anije që lehtëson këto flukse përmes transaksioneve dhe financimeve të fshehta rrezikon të përballet me sanksione të SHBA-së,” u shpreh ai, duke i cilësuar masat si pjesë e strategjisë “Economic Fury”, komponent ekonomik i përballjes së Shtetet e Bashkuara të Amerikës dhe Izraeli me Iranin.
