Bota duket shumë pranë luftës pas deklaratës më të fundit nga ana e Ministrit të Jashtëm të Koresë së Veriut Yong Ho. Ai deklaroi se vendi i tij ka të drejtë të kundërpërgjigjet ndaj avionëve amerikanë që fluturojnë pranë hapësirës së këtij shteti. Madje ai tha se pas deklaratave të luftës nga SHBA, Korea ka të drejtë të reagojë edhe nëse avionët nuk kanë shkelur hapësirën ajrore koreane.
Duke folur me gazetarët në Nju Jork të hënën, Ministri i Jashtëm i Koresë së Veriut tha se Presidenti i SHBA Donald Trump ka shpallur në mënyrë efektive luftë kundër Phenianit, teksa tha se “opsionet ishin në tryezë për udhëheqjen e vendit të tij”.
“E gjithë bota duhet të kujtojë qartë se ishte SHBA, e cila së pari shpalli luftë ndaj vendit tonë”, citon Reuters të ketë thënë ai shkruan JavaNews.
“Meqenëse Shtetet e Bashkuara kanë shpallur luftë ndaj vendit tonë, ne do të kemi çdo të drejtë të përgatisim kundërmasat, duke përfshirë të drejtën për të sulmuar bombarduesit strategjikë të Shteteve të Bashkuara edhe kur ata nuk janë brenda kufirit të hapësirës ajrore të vendit tonë”./a.m.
