Kur të gjithë i kemi sytë dhe veshët tek shpikja e vaksinës për të shpëtuar njëherë e mirë nga koronavirusi, duket që SHBA është një hap para.Agjencia amerikane, FDA, përgjegjëse për ushqimet dhe ilaçet, ka miratuar të martën kurën e parë për pacientët me koronavirus.
123 të prekur dhe 5 të vdekur nga COVID-19/ Polici dyshohet i infektuar me koronavirus, me urgjencë drejt Tiranës
Sipas Daily Mail, bëhet fjalë për plazmën e gjakut të pacientëve që janë shëruar nga infeksioni.
Deri më tani, në SHBA janë mbi 50 mijë të prekur nga koronavirusi. Por tani mjekët mund të trajtojnë pacientët e sëmurë me plazmën e atyre që janë shëruar, shkruan “sot”.
Plazma e gjakut nga pacientët e shëruar është e pasur me antitrupa që sistemi i tyre imunitar ka zhvilluar për të luftuar infeksionin.
Kina nisi të përdorte këtë metodë të vjetër për trajtimin e pacientëve të saj muajin e shkuar. Autoritetet në Nju Jork thonë se do të nisin testimin për këtë kurë.
Ky trajtim mund të jetë shpresa më e mirë për pacientët e sëmurë me Covid-19, teksa shkencëtarët vazhdojnë punën me ritme të shpejta për të krijuar kura të tjera.
