Forcat amerikane dhe autoritetet ekuadoriane kanë zhvilluar një operacion të përbashkët kundër një dege lokale të Kartelit të Gjeneratës së Re Jalisco (CJNG), duke arrestuar më shumë se 30 persona të dyshuar.
Ministri i Brendshëm i Ekuadorit, John Reimberg, tha se operacioni u zhvillua të enjten në disa qytete dhe përfshiu rreth 320 oficerë ekuadorianë dhe 50 pjesëtarë të Komandës Jugore të SHBA-së, në bashkëpunim me Administratën Amerikane Kundër Drogave (DEA).
Sipas autoriteteve ekuadoriane, grupi dyshohet se kishte lidhje të drejtpërdrejtë me CJNG-në dhe trafikonte kokainë nga Kolumbia drejt destinacioneve ndërkombëtare përmes porteve të Ekuadorit.
Operacioni është pjesë e bashkëpunimit të ngushtë mes SHBA-së dhe Ekuadorit në luftën kundër krimit të organizuar dhe trafikut të drogës.
Shiko në:
