Sali Berisha, ka reaguar pasi PS u ‘tërhoq’ nga kërkesa e tyre për të dëshmuar dhe ish-kryeministri në komisionin hetimor për të dhënat e sistemit ‘TIMS’.
Shakaja e deputetëve të mazhorances me Salianjin, ka ngritur ‘sentimentin’ e Berishës sipas te cilit, ‘terheqja’ ka ardhur me urdhër të kryeministrit, pasi ai dhe i vëllai Olsi Rama kanë frikë dhe tmerr nga dëshmia që mund të jepte.
“Frikë dhe tmerr i klanit Rama nga faktet dhe dëshmia ime!
Të dashur miq, pseudo-deputetët e partisë së krimit, pasi kishin kërkuar publikisht me datë 2 prill që të dëshmoja para Komisionit Hetimor Parlamentar për sistemin TIMS, me datën 8 prill, në nje akt vetëposhtërimi publik, tërhoqën me urdhër të Ramës kërkesën.
Kjo erdhi pasi Rama dhe Olsi u tmerruan kur mësuan se do paraqisja me dokumente zyrtare nga TIMS dhjetra udhëtimet e Olsi Ramës me Genti Xhixhën, Ermal Hoxhën, Gentian Gjonajn me makinën e drogës me targë: AA653DM por dëshmia ime do të sillte dhe të dhena shkatarrimtare për 142 udhëtimet e Edi Ramës me “Ismailin” e tij dhe llojin e ngarkesave të transportuara në këto udhëtime. Të tmerruar nga Sali Berisha për krimet që kanë kryer.
Drejtësia vonon, por nuk harron. Klani Rama me i rrezikshmi klan mafioz në Europë do marrë atë që meriton”, shprehet Berisha./m.j
