Pakti për Universiteti i kalon pikat e kërkesave të studentëve, por ne kemi shkuar më tej, siç është praktika një vjeçare dhe punësimi për studentët, deklaroi sot Ministrja e Arsimit dhe e Sportit, Besa Shahini, në takim studentët e Universitetit “Fan Noli” në Korçë.
Në fjalën e saj, Shahin tha se “studentët me rezultate të shkëlqyera kanë përfituar nga pakoja financiare për sa i përket uljes së tarifave, jemi në procesin duke mbështet Universitetet në plotësimin e listave në mënyrë që të kalojë të gjitha bursat dhe përfitimit financiare që dalin nga pako financiare që dalin nga pakoja”.
“Ky edhe pse ishte artikulimi që dolën nga protesta e studentët në dhjetor nuk ishte i vetmi por kishte kërkesa për përgjysmimin e tarifave, por dhe kërkesat të tjera. Me një punë gjashtë javore me gjithë kabinetin qeveritarë ka bërë një punë të vazhdueshme në bisedim më të gjithë universitete, me studentët dhe pedagog për të arrit deri te një listë përgjigjesh dhe sugjerimesh konkrete për ti adresuar të gjithë këto kërkesa që dolën nga protesta e studentëve por të shkojmë dhe përtej. Sepse aty ishin disa kërkesa por ne që të adresojmë adresojmë të gjitha problemet në Arsimin e Lartë, duhet të shkojmë përtej dhe të planifikojmë një afat më të gjatë”, tha ministrja.
Me tej, Shahini shtoi se zgjedhjet në Universitete janë të rëndësishme për vendimmarrjen e studentëve.
“Përgëzoj Rektori që kanë marrë nisma këtu në Universitetin e Korçës të cilët adresojnë mbështetjen e studentëve. Organizimi i zgjedhjeve në këshillat studentor është i rëndësishëm dhe ne po i shtyme të bëhen sa më shpejt pasi jo të gjitha universitete i kanë përfunduar. Ne kemi vendosur ta forcojmë këtë proces duke themeluar portalin e transparencës që do të botohen të gjitha informacionet që studentët të marrin pjesë në vendimmarrje të ndryshme. Këtu përfshihen jo vetëm buxhetet dhe mënyra si shpenzohen por edhe të gjitha vendimet e tjera që janë të rëndësishme”, tha ajo.
Në vijim, ministrja shtoi se “në Tiranë kemi pas takime me udhëheqësit e Universitetit të Korçës për bibliotekën elektronike dhe është një proces që po e shtyjmë përpara që do të thotë se çdo studentë dhe pedagog do të ketë akses në shumë artikuj shkencore, libra dhe programe për mësimin e gjuhës së huaj. Kjo ndihmon jo vetëm në kërkimin shkencor por edhe keni mundësi të mësoni një gjuhë të huaj që të përdorin këto artikuj”.
“Folëm për tarifat, folëm për bibliotekën elektronike. Në Tiranë takimet i kemi bërë për sa i përket infrastrukturës. Është krijuar jo vetëm në universitetin e Korçës por me të gjitha një sistem partneriteti me një ministri apo disa ministri në mënyrë që të identifikohen problemet infrastrukturore dhe ne të kemi mundësi që në vjeshtë të ndërhymë në buxhet për t’i shtuar edhe më shumë. Për universitetin e Korçës grupi i partneritetit është Ministria e Arsimit dhe Ministria e Bujqësisë, do jetë dhe një person nga Ministria e Financave dhe të Ekonomisë dhe do identifikohen gjitha nevojat infrastrukturore si dhe do të bëhet një plan investimi në vijim sipas nevojave”, përfundoj Shahini,
Shahini theksoi se dy kërkesa që janë shtuar te pakti që nuk kanë qenë kërkesë e studentëve.
“Është portali i punësimit. Kemi vendosur të hapim të gjitha vendet e punës që janë në administratë për një vit eksperiencë punë për studentët. Nuk është vet i hapur për studentët që kanë mbaruar nga cili i dytë por dhe për ata të ciklit të parë. Për Korçën konkretisht për praktiken janë 39 vende pune të lira dhe paralelisht me të janë hapur dhe praktikat dhe kemi 2000 vende të lira jo vetëm në administratë publike por dhe në kompani private. Në Korçë për praktikën janë 50 vende të lira këtu”, tha në fund ministrja.
/a.rada
