Ish-sekretari amerikan i Shtetit, Mike Pompeo në tryezën e 26 të Economist të mbajtur në Lagonisi foli edhe për anëtarësimin e Suedisë dhe Finlandës në NATO.
Pompeo e cilësoi takimin e NATO-s si të shkëlqyer, ndërsa u shpreh se fakti që presidenti turk Erdogan doli pro aplikimit për anëtarësim të Suedisë dhe Finlandës në NATO është diçka pozitive.
Ish-sekretari amerikan i shtetit theksoi se lufta në Ukrainë nuk u zhvillua në mendjen e presidentit rus më 24 shkurt, por ekzistonte për dekada dhe Perëndimi e bëri të mundur përmes politikave të tij energjetike.
Ndërsa u shpreh se marrëdhëniet greko-turke kanë një të kaluar jo të lehtë.
“Shtetet historikisht kanë pasur konflikte. Është e rëndësishme që ato të zgjidhen me dialog dhe pa përdorimin e forcës.
Duke iu referuar marrëdhënieve Greqi-SHBA, ai vuri në dukje se Departamenti i Shtetit ka një ekip të shkëlqyer në Athinë që nxit bashkëpunim në mbrojtje .
Ndër të tjera ai tha se po mendon të riaktivizohet politikisht në zgjedhjet e ardhshme në SHBA dhe madhe të kandidojë për presidencën amerikane në vitin 2024, pavarësisht se kush do të jetë i nominuar, ndërsa sqaroi se vendimin përfundimtar do ta marrë në fillim të vitit të ardhshëm.
Nderkohe qe ish Presidenti amerikan Donald Trump ka bere me dije se do te jete dhe ai kandidat per President ne zgjedhjet e ardhshme Presidenciale, ku me sa duket duhet te kaloje “pengesen” Pompeo brenda republikaneve per te hyre ne garen finale perballe kandidatit demokrat./m.j
