Sezoni veror ka sjellë në Vlorë qindra pushues vendas dhe të huaj, të cilët kanë zgjedhur qytetin për detin, plazhet dhe klimën e favorshme. Fluksi i turistëve nga vende të ndryshme të botës pritet ta bëjë këtë një sezon turistik mjaft të suksesshëm për qytetin bregdetar
Sezoni veror ka sjellë në Vlorë qindra pushues vendas dhe të huaj. Mes tyre janë edhe vetë qytetarët vlonjatë, të cilët frekuentojnë çdo ditë bregdetin e qytetit.
Pushuesit shprehen se deti, plazhet dhe klima e favorshme janë arsyet kryesore që kanë zgjedhur Vlorën për të kaluar pushimet verore. Ata e përshkruajnë qytetin si një nga destinacionet më të bukura në Shqipëri.
Shumë prej tyre tregojnë se sezonin e kanë nisur që në muajin maj, madje edhe më herët, ndërsa planifikojnë të vazhdojnë të frekuentojnë Vlorën edhe gjatë vjeshtës e dimrit.
Banorët dhe pushuesit theksojnë se qyteti është i mbushur me turistë nga vende të ndryshme të botës dhe se pritshmëritë për sezonin turistik janë mjaft pozitive.
Përgjatë kësaj periudhe, në Vlorë ndodhen qindra turistë të huaj, që vijnë nga vende të Evropës Lindore dhe Perëndimore, por edhe nga kontinente të largëta si Amerika dhe Australia.
