Manchester City “gllabëron” të gjithë trofetë sezonalë në Angli. Pas fitores së titullit në Premier League, Kupës së Ligës dhe “Community Shield”, skuadra e Pep Guardiolës ngriti edhe trofeun e fundit të këtij viti, Kupën e Anglisë, duke bërë historinë në futbollin anglez, pasi është skuadra e parë që arrin të fitojë të katër trofetë kombëtarë brenda një viti.
Në “Ëembley” të Londrës, Manchester City shkatërroi në finale Ëatfordin me rezultatin tenistik 6-0, duke regjistruar kështu suksesin e 6 të tij në këtë kompeticion.
Manchester City pati një moment frike, kur Hornets për pak sa nuk i dha avantazhin skuadrës së Ëatfordit. Por, pas kësaj, gjithçka foli për kampionët e Anglisë, që nuk patën asnjë mëshirë për kundërshtarët e tyre.
Festivali i golave për Manchester Cityn u hap në minutën e 26 me David Silvën. Nuk kaloi shumë dhe Sterling dyfishoi shifrat. Në pjesën e dytë u erdhi radha De Bruyne dhe Gabriel Jesus të shënojnë sërish në portën e Ëatfordit, ndërkohë që Sterling shënoi edhe dy herë të tjera, për të fiksuar rezultatin 6-0 të Manchester Cityt në këtë finale.
This time with streamers and champagne! 😆
🔵 #mancity 🏆🏆🏆🏆 pic.twitter.com/SlZolpB8m9
— Manchester City (@ManCity) May 18, 2019
