Analisti i njohur amerikan, Daniel Serwer, ka reaguar ndaj një artikulli të New York Times për Kosovën, në të cilin thuhej se Kosova është bërë tokë e pjellore për ekstremistët e ISIS’it.
Serëer në tekstin e botuar në ueb faqen e vet, thotë se Qeveria e Kosovës ka reaguar tashmë fuqishëm dhe në mënyrë efektive se ajo ka arritur rezultate për të luftuar ekstremizmin fetar;
-Shqiptarët e Kosovës, si dhe qeveria e tyre mbetet me shumicë dërrmuese dhe me entuziazëm pro-amerikane dhe pro-evropiane.
Për sa i përket numrit të luftëtarëve të huaj për frymë në mesin e popullatës së tyre myslimane, Kosova është në gjysmën e poshtme të listës së vendeve, renditet e 14 në mesin e 22 vendeve me numrin më të madh të luftëtarëve të huaj për frymë të popullsive të tyre përkatëse myslimane, shkruan Serëer, transmeton Indeksonline.
Qeveria e Kosovës është duke pretenduar se nuk ka pasur rekrutë të njohur kosovarë të Shtetit Islamik (ISIS) në vitin e kaluar.
Rekrutimi ISIS në mbarë botën ka rënë në përgjithësi, për shkak të humbjes së territorit dhe të luftëtarëve gjatë vitit të kaluar.
Por, përveç Prishtinës edhe Drejtoria e Policisë në fillim të këtij muaji në Bruksel u përfshi në një aksion të fuqishëm. (b.an)
