Një vajzë 16-vjeçare ka vdekur dhe një djalë është plagosur pasi u qëllua me armë zjarri pranë shkollës së mesme “Benjamin E Mays” në Atlantën jugperëndimore rreth orës 2:30 të mëngjesit.
Policia e Atlantës thotë se ka pasur një konfrontim gjatë një feste diplomimi në parkingun e shkollës para të shtënave, raportojnë mediat amerikane.
Vajza u gjet në vendngjarje dhe u transportua me ambulancë në një spital aty pranë ku u konstatua e vdekur. Edhe 16-vjeçari është transportuar me ambulancë në spital dhe raportohet se ndodhet në gjendje të qëndrueshme. Gjendja e tij e saktë nuk dihet dhe ai nuk është identifikuar.
“Nuk kishte asnjë grindje të mëparshme që çoi në këtë të shtëna. Kjo ishte një tragjedi e pafat që ka tronditur një rreth familjar dhe miqsh deri në themel.”, tha mikja e familjes Davida Huntley.
/a.r
