Prefekti i Mitrovicës veriore dhe zyrtari i lartë partisë së Aleksandar Vuçiçit SNS Goran Rakiç, ka akuzuar liderin e Iniciativës Qytetare SDP Oliver Ivanoviç se “në mënyrë të vazhdueshme po rrënon unitetin e serb dhe po e relativizon suksesin e madh të Listës Srpska e të shtetit të Serbisë”, transmeton Koha.net.
“Populli serb qartë ka zgjedhur kush dëshiron ta përfaqësojë në institucionet e përkohshme krahinore. Ka kaluar,më në fund, koha e liderëve të vetë thirrur të cilët këtë popull e kanë udhëhequr pa asnjë përkrahje të popullit.
E këtij gjoja eksperti, ish- politikan e tani analist, populli serb i ka treguar çfarë mendon për të dhe se po të kishte pasur guxim do të kishte dalë në zgjedhje me “furgon partinë” e vet.
Ivanoviçit nuk i ka penguar përkrahja financiare dhe çdo përkrahje tjetër e po këtij shteti gjatë mbajtjes së padrejtë në burg dhe procesit që është zhvilluar kundër tij gjatë viteve të shkuara”, citon Novostionline deklaratën për media të Rakiqit.
Ivanoviç ka reaguar ndaj Rakiçit me këto fjalë:“Mjerë vendi që ai e mbron nga unë, e atë deklaratë ai nuk di as ta lexojë e lëre më ta shkruajë”. (b.an)
