Seria A, Juventus merr fitoren e parë, ngec Roma, Interi në krye
Juventusi ka gjetur fitoren e parë në kampionat në javën e katërt të Serisë A. Lojtarët e Allegrit kanë siguruar tri pikët e para duke mundur në transfertë Genoan e Gasperinit me rezultatin 2-0 falë një autogoli të Lamannas dhe një penalltie të realizuar nga Pogba.
Ndeshja për torinezët nuk ka filluar aspak mirë, me trajnerin Allegri që ka qenë i detyruar të zëvendësojë Moratan me Pereyran për shkak të një dëmtimi të sulmuesit spanjoll në minutën e 22-të. Për sa i takon ndeshjes, bardhezinjtë kanë arritur ta zhbllokojnë në minutën e 37-të kur gjuajtja e Pogbasë është devijuar në portë nga portieri vendas pasi kishte goditur traversën. Kështu, pas fitores së rëndësishme në Champions kundër City, bardhezinjtë duket se janë zhbllokuar në kampionat duke regjistruar suksesin e parë. E vetmja notë negative për Allegrin ka të bëjë me dëmtimin e Moratas, i cili është një element shumë i rëndësishëm për skemat e trajnerit bardhezi, siç ka treguar edhe goli i realizuar nga spanjolli në Champions, që i ka dhuruar fitoren Juventusit.
Ndërsa Roma ka barazuar me Sassuolo 2-2. Rekordi i Tottit që arriti 300 ndeshje në Serina nuk ka mjaftuar që Roma të marrë tre pikët.
Me dy gola nga Quagliarella, Torino mposhti Sampdoria-n, duke marrë fitoren e tretë në kampionat në katër takimet e para dhe është ngjitur në vendin e dytë me 10 pikë, vetëm dy më pak se Interi kryesues. Tre pikët të dielën i mori edhe Bologna, e cila mposht minimalisht 1-0 Frosinone-n. Ndërsa ndeshja mes Atalanta-s dhe Verona-s përfundoi në barazim 1-1.
Ndërkohë në drekë edhe Interi ka fituar ndaj 1-0 ndaj vendasve të Chievo 1 me 0. Goli i fitores për Interin u shënua nga kapiteni Mauro Icardi, në minutën e 42. Me këtë sukses, skuadra e drejtuar nga Roberto Mancini vazhdon të mbajë kryesimin e kampionatit italian me pikë të plota, 12 pas 4 javësh.
