Qeveria e Serbisë ka nisur të enjten projektin më të madh kolonizues në Kosovë, shkruan sot Koha Ditore.
Ka vënë gur themelin për ngritjen e një lagjeje në veri me 300 shtëpi, të cilën planifikon ta popullojë me rreth 1.500 serbë.
Beogradi zyrtar ka financuar shumë ndërtime në Kosovë, por projekti i quajtur “Lugina e diellit” është më i madhi. Prej pasluftës është orientuar në katër komunat e veriut, veçmas në Mitrovicë.
Kësisoj, në Lagjen e Boshnjakëve janë ndërtuar gjashtë ndërtesa shtatëkatëshe, në Lagjen e Doktorëve një objekt shtatëkatësh, në Lagjen Kroi i Vitakut tetë objekte katërkatëshe, në Suhodoll të Epërm është ndërtuar një objekt gjashtëkatësh, në Lagjen Kodra e Minatorëve janë ndërtuar dhjetë objekte shtatë, tetë e dhjetëkatëshe.
Në këtë pjesë vazhdon ndërtimi i objekteve të tjera të larta për serbë të Kosovës, por edhe për të tjerë të ardhur nga të gjitha pjesët e ish-Jugosllavisë.
Por, Ministri i Mjedisit dhe Planifikimit Hapësinor Ferid Aganithotë se lagjja ‘Lugina e Diellit’ nuk do të ndërtohet. Projektin e nisur nga Qeveria e Serbisë Agani e ka quajtur të jashtëligjshëm dhe sipas tij sipas tij nuk do të lejohet të ndërtohet.
Express/d.i.
