Zbulohet dokumenti zyrtar i qeverisë serbe që do të hapë në tre komunat shqiptare të Luginës së Preshevës një grup bazash ushtarake, ku sipas gjasave do të instalohen raketat e blera në Rusi pas vizitës së kryeministrit serb Vuçiç në Moskë. (Ka qenë tesheshi.com që publikoi i pari marrëveshjen, sasinë dhe llojin e raketave si dhe mundësinë e instalimit në Preshevë. Më pas ai lajm u morr zinxhir nga portale të “mëdha” që plagjuan fjalë për fjalë por duke e cituar si prodhim të tyre.)
Periudha e instalimit të të gjithë arsenalit është viti 2020. Dokumenti i qeverisë serbe mban datën 29 maj të këtij viti, por vetëm tani është arritur të zbulohet dhe përcakton hartën, kordinatat dhe infrastrukturën e ndërtimit të bazave ushtarake të cilësuara si “Baza e Jugut”, raporton Tesheshi.com.
Sipas vendimit, në marsin e vtit 2016 duhet të miratohet plani ushtarak i funksionimit të bazave dhe nisja e punës. Bëhet fjalë për një bazë ushtarake shumë afër asaj amerikane të Bonstill-it në Ferizaj. Shumë analistë e kanë cilësuar dhe Bonstill-in rus. Pra, që do të thotë se do t`i bëjë karshillëk atij amerikan pak kilometra larg.
Që në fillim të vendimit bëhet e qartë se kjo do të jetë “bazë shumëkombëshe” që përkthehet shkurt e shkoqur ruse, ngaqë ndryshe do të kishte përcaktimin: NATO.
Në këto baza pritet të instalohen raketat strategjike.
Në takimin e 30 tetorit në Moskë ndërmjet kryeministrit serb Vuçiç dhe atij rus, Medvedev, Beogradi ka lidhur një marrëveshje prej 2.5 miliardë dollarësh për të blerë armë ruse, të paspecifikuara nga qeveria serbe.
Por nga media ruse dhe serbe kanë dalë lajme që trondisin të gjithë ambientin ballkanik: sisteme 431px-Buk-M1-2_9A310M1-2 të fuqishme raketore ruse, BUK dhe S-400 Triumf, priten të instalohen në Luginën e Preshevës.
Që në titull bëhet fjalë për një bazë të huaj: “Zhvillimi i Planit Hapësinor të qendrës rajonale me qëllim të veçantë për njësitë e trajnimit për operacionet shumëkombëshe – bazën Jug”, theksohet në vendim, ku më pas sqarohet në gjuhë zyrtare: “Rregullorja mbi themelimin e Planit Rajonal të Moravës së Jugut e cila përfshinte edhe rripin e zonës së sigurisë që mbulon një pjesë të madhe të komunave të Medvegjës, Vranjës, Bujanocit dhe Preshevës, dhe ku ndërtesat dhe komplekset me rëndësi për mbrojtjen e vendit, si dhe një varg të ndërtesave dhe komplekseve i jepen në përdorim Ministrisë së Punëve të Brendshme të Republikës së Serbisë në funksion të kufirit shtetëror . Ndër synimet kryesore dhe detyrave në mbështetje të vendit, është përcaktimi i zonave të mbrojtura përreth kompleksit ushtarak si një zonë të një rëndësie të veçantë për mbrojtjen kombëtare. Rreth bazave do të krijohen transh dhe bunker strehimi për mbrojtjen nga lufta në bazë të rregullave aktuale, qëndrimet, kushtet dhe kërkesat e Ministrisë së Mbrojtjes.
Ndërkaq, në vendim të bie në sy edhe një aspekt i rëndësishëm siç është ai financiar. Qeveria e Beogradit investon një shumë të madhe që kap shifrën 100 milion euro.
