Serbia u kërkon kishave evropiane ta pengojnë Kosovën në UNESCO.
Ministri për Punë dhe Çështje Sociale i Serbisë, Zoran Gjorgjeviq në Kuvendin e përgjithshëm të Konferencës së Kishave Evropiane në Novi Sad, kërkoi mbështetje kur është në rend te dites vendosmëria e Serbisë për të mos lejuar anëtarësimin e Kosovës në UNESCO.
Ai theksoi se “pjesa më e madhe e trashëgimisë kulturore të Kosovës përbëhet nga artet dhe arkitektura kishtare serbe”.
“Shqiptarët e Kosovës dhe autoritetet në Prishtinë nuk kanë treguar vullnet të parandalojnë shkatërrimin e saj”, tha mes tjerash Gjorgjeviq.
Ai ka theksuar se Serbia kërkon zgjidhje kompromise në bisedimet me Kosovën, sipas së cilës asnjëra nga palët nuk do të jetë krejtësisht e kënaqur, por të dy palët do të marrin diçka, përgatiti Express. (b.an)
