Ndihmës trajneri i Tiranës Ivan Gvozdenoviç beson se kombëtarja serbe do të fitojë ndeshjen në Elbasan përballë Shqipërisë.
“Nuk besoj se Serbia do të hasë probleme, por do të fitojë pa shumë vështirësi.
Nuk ka eufori, ose ndoshta unë nuk e kam ndjerë të tillë gjatë këtyre ditëve.
Të gjithë në Shqipëri flasin vetëm për ndeshje dhe nuk ka asnjë arsye për t’u shqetësuar.
Unë nuk do të shkoj në stadium, por do ta shoh me miqtë e mi në Tiranë.
Do të marr vetëm 50 euro me vete, por e di që nuk do t’i shpenzoj sepse ne do të fitojmë”deklaroi ai.
Ivan Gvozdenoviç ka qenë lojtar i disa klubeve në Shqipëri, ndërsa është ndihmës trajner te Tirana.
