Kryetari i Komisionit Parlamentar për Kosovën në Qeverinë e Serbisë, Milovan Drecun ka thënë se mbetet për t’u parë nëse Gjykata Speciale për krimet e luftës do të zbatojë standardet më të larta ndërkombëtare dhe në qoftë se do të kenë mundësi të jenë të privilegjuar për të ju shmangur drejtësisë, siç ishte Haga- pasi sipas tij “kjo nuk është ajo”.
“Nëse është e privilegjuar për të ju shmangur drejtësisë, një situatë e ngjashme me atë të Tribunalit të Hagës, sigurisht që nuk do të jetë me standardet më të larta ndërkombëtare, pasi nëse dikush mendon se ajo që është bërë në Hagë ishte me standarde të larta”, ka thënë Drecun.
Ai vazhdon të mendojë se ekipi i prokurorisë është angazhuar mjaft seriozisht në mbledhjen e dëshmive në muajt e fundit, dhe se ngritja e padive do të varet kryesisht nga rezultatet e punës së tyre, por edhe nga fakti se sa do të ketë presion politik, shkruan Tanjug, transmeton Indeksonline.
Ndërsa gjatë ditës së djeshme është vendosur që David Schwendiman të jetë kryeprokurori i Gjykatës Speciale që pritet e hetojë për krime të disa pjesëtarëve të UÇK-së para dhe pas luftës.
Ndërsa sipas Drecun emërimi i Schwndiman është një hap i rëndësishëm që të fillojë funksionimi i Gjykatës Speciale, referon Koha.
Gjykata Speciale do të jetë e vendosur në Hagë, ndërsa Schwendiman ishte pjesëmarrës në hetimin e mashtrimit dhe korrupsionit në Afganistan. Ai u diplomua për drejtësi në Universitetin Juta, në vitin 1976 dhe ishte në prokurori të shtetit amerikan, Juta. (B.an)
